Bugün 01.04.2025 tarixində ADPU-nun rektoru Azərbaycan tarixçisi, tarix elmləri doktoru, professor Cəfər Cəfərov və eləcə də İbtidai təhsil fakültəsinin dekanı Professor Qızxanım Qəhrəmanovanın təşəbbüsü ilə ADPU kollektivi şəhid Şükür Həmidovun doğum günü münasibətilə keçirilən tədbir ilə bağlı ll Fəxri Xiyabanında iştirak etmişdir.

Tədbirdə fakültənin dekan müavini Sevinc Eylazova və bir neçə fakültə əməkdaşları, həmçinin bir qrup ictimai fəal tələbələri iştirak etmişlər.
Tədbir zamanı şəhid Şükür Həmidovun xatirəsi dərin ehtiramla anılmışdır.

Şükür Nəriman oğlu Həmidov 1975-ci il aprelin 1-də Qubadlı rayonunda anadan olmuşdur. O, Azərbaycan Ordusunun polkovniki və Vətən müharibəsinin qəhrəmanlarından biri idi.
Həmidov hərbi təhsilini Azərbaycan Ali Hərbi Məktəbində almış və uzun illər ərzində müxtəlif vəzifələrdə xidmət etmişdir. O, 2016-cı ilin Aprel döyüşlərində Lələtəpə yüksəkliyinin azad edilməsində iştirak etmiş və göstərdiyi şücaətə görə “Azərbaycanın Milli Qəhrəmanı” adına layiq görülmüşdür.
2020-ci ilin sentyabrında başlayan Vətən müharibəsində də Şükür Həmidov ön cəbhədə döyüşmüşdür. O, Qubadlı uğrunda gedən döyüşlərdə qəhrəmancasına şəhid olmuşdur. Vəfatından sonra “Vətən Müharibəsi Qəhrəmanı”, “Qubadlının azad olunmasına görə” ,“Zəngilanın azad olunmasına görə” ,“Füzulinin azad olunmasına görə” ,“Hərbi xidmətlərə görə” medalları ilə təltif edilmişdir.
Şükür Həmidovun adı Azərbaycan tarixinə igid və cəsur komandir kimi yazılmışdır. O, öz vətənpərvərliyi və şücaəti ilə gənc nəsillər üçün nümunə olmuşdur.

Qeyd edək ki, Şükür Həmidovun qızı Əzizə Həmidova ADPU-nun İbtidai sinif müəllimliyi ixtisasının III tədris ili tələbəsidir.