Bu gün ADPU İbtidai Təhsil Fakültəsinin kollektivi 20 Yanvar - Qanlı Yanvar faciəsinin şəhidlərinin əziz xatirəsini yad etmək məqsədilə Şəhidlər Xiyabanını ziyarət etmişdir.

Ziyarət fakültənin dekanı, professor Qızxanım Qəhrəmanovanın rəhbərliyi ilə, dekan müavini Sevinc Eylazova və fakültə əməkdaşlarının və bir qrup ictimai fəal tələbələrin iştirakı ilə həyata keçirilmişdir. Tədbir zamanı şəhidlərin əziz xatirəsi dərin ehtiramla anılmış, vətən uğrunda canından keçmiş qəhrəmanların ruhuna dualar oxunmuşdur.

20 Yanvar faciəsi xalqımızın azadlıq mübarizəsinin şanlı səhifəsidir. Bu gün biz şəhidlərimizin qəhrəmanlığını və onların vətənimizə bəxş etdiyi azadlıq yolunu bir daha böyük hörmətlə yad edirik.

Ruhları şad olsun!