Azərbaycan Dövlət Pedaqoji Universitetinin İbtidai təhsil fakültəsində Xocalı soyqırımının 33-cü ildönümü ilə bağlı anım tədbiri keçirilib. Tədbirdə ilk dərslər Xocalı faciəsinə həsr olunub və tələbələrə bu hadisənin tarixi, siyasi və mənəvi aspektləri haqqında ətraflı məlumat verilib.

Saat 12:00-da isə Xocalı şəhidlərinin əziz xatirəsi bir dəqiqəlik sükutla yad edilib.
Tədbirdə İbtidai təhsil fakültəsinin dekanı, professor Qızxanım Qəhrəmanova Xocalı soyqırımının xalqımızın yaddaşından heç vaxt silinməyəcəyini və bu cür tədbirlərin gələcək nəsillərə tarixi həqiqətlərin çatdırılmasında mühüm rol oynadığını bildirib.
Anım tədbiri çərçivəsində Xocalı faciəsini əks etdirən videoçarxlar nümayiş etdirilib.