İbtidai təhsil fakültəsinin dekanı, professor Qızxanım Qəhrəmanovanın 8 Mart – Beynəlxalq Qadınlar Günü münasibətilə təbriki

Əziz xanımlar!

Bu gözəl gündə ilk olaraq ölkəmizin birinci xanımı, Azərbaycan Respublikasının Birinci Vitse-prezidenti Mehriban Əliyevanı səmimi qəlbdən təbrik edirəm. Onun humanist fəaliyyəti, milli-mənəvi dəyərlərimizin qorunmasına verdiyi töhfələr, elmə, təhsilə və mədəniyyətə olan sonsuz dəstəyi Azərbaycan qadınının gücünü, müdrikliyini və zərifliyini bütün dünyaya nümayiş etdirir.

Eyni zamanda, bütün zəhmətkeş, fədakar və mərhəmətli Azərbaycan qadınlarını, cəmiyyətimizin inkişafına töhfə verən elm və təhsil işçilərini, gələcəyimizin parlaq ümidləri olan gənc xanım tələbələrimizi ürəkdən təbrik edirəm. Qadınlarımız ailənin sütunu, cəmiyyətin dayağı, elmin, mədəniyyətin və dövlətçiliyin əsas qüvvələrindən biridir. Onların əzmkarlığı, zəhməti və fədakarlığı daim yüksək dəyərləndirilməlidir.

Sizə sevgi, xoşbəxtlik, uğur və həyatınızda daim dəyərli olduğunuzu hiss edəcəyiniz gözəl günlər arzulayıram!

Bayramınız mübarək!